பெயர் பாஸ்கர். திருநெல்வேலி மாவட்டம் வள்ளியூர் அருகே ஒரு சிறு கிராமம் என் சொந்த ஊர். மேற்படிப்புக்காக சென்னை வந்தேன். பிறகு தொழில் நிமித்தம் (சாப்ட்வேர்)  காரணமாக சென்னையே வாழ்க்கை என்று ஆகி விட்டது.

கணனிக்கு
கருவிழி காட்டி 
விசைப்பலகைக்கு 
விரல்களால் விசை தள்ளி
நகம் கடித்து சிந்தனை ஏற்றி 
எனது காலமும் நகர்கிறது 
சாப்ட்வேர் இஞ்சினீயராக!

செல்லப் பிராணி வளர்ப்பது மிகவும் பிடிக்கும். நாய் ஒன்றை பாசமாக வளர்த்து வருகிறேன். மைனாவும் வளர்த்து வந்தேன். பறவைகளை கூண்டில் அடைத்து வளர்ப்பது பாவம் என்று கருதியதால் அதை நிறுத்தி விட்டேன்.

சிறு வயது முதலே தோட்டம், வயல் வரப்பு என்று துள்ளித் திரிந்ததால் இயற்கை மீது அளவு கடந்த பாசம் உண்டு. இயற்கையை மிகவும் ரசிப்பேன். என் தோட்டத்தில் பல வகையான மரங்களை நட்டு வைத்திருக்கிறேன். மூன்று மாதத்திற்கு ஒரு முறை கிராமத்திற்குச் செல்வேன்.

வாழ்க்கையில் பல நேரங்களில் விழுந்து இருக்கிறேன், ஆனால் வீழ்ந்து விடவில்லை.நான் படித்த பகவத் கீதை , அர்த்தமுள்ள இந்து மதம் போன்ற நூல்கள் வாழ்கையின் அர்த்தத்தை எனக்கு விளக்கியது. கடவுள் நம்பிக்கை உண்டு. இந்த உலகில் மிகவும் புனிதமானது பெண்மை. அதனால் பெண்மைக்கு மரியாதை அதிகமாகவே கொடுப்பேன்.

நான் நேசித்த ஒரு உறவு என்னை விட்டு விலகி சொர்க்கம் சென்ற போது என் இதயம் உடைந்து போனது. உடைந்த கண்ணாடி கூட ஒட்டி விடும் போல,...

கிடைக்கின்ற நேரம் எல்லாம் கவிதை எழுதுவேன். என் மனதை தாக்கிய உணர்வுகளைத்தான் பெரும்பாலும் கவிதைகளாக எழுதுவேன். சிலர் தலைப்பு கொடுத்து கவிதை எழுதச் சொன்னால் அதையும் எழுதுவேன்.ஒரு பாட்டாவது சினிமாவில் எழுத வேண்டும் என்ற ஆசை எனக்கு உண்டு.

நம்பிக்கையை சக்கரமாக வைத்து என் வாழ்கையும் நகர்ந்து கொண்டு இருக்கிறது...பெரும்பாலான இடங்களில் எதை எழுதினாலும் முற்றுப் புள்ளி வைப்பது இல்லை. முடிந்து விடுமோ என்ற பயத்தினால்.
எனவே இங்கும் வேண்டாம் முற்றுப் புள்ளி

தொடர்புக்கு : 90879 13380
எனது பேஸ்புக் முகவரி


Next
Newer Post
Previous
This is the last post.

24 comments:

  1. இனிவரும் நாட்கள்
    இனிமை தாங்கி வரட்டும்

    ஜன்னல்கள் மூடப்படும் போது
    கதவுகள் திறக்கப்படும்

    நம்பிக்கையே வாழ்க்கை
    நம்பிக்கையோடு
    நடைபயிளுங்கள்

    வாழ்த்துக்கள்

    ReplyDelete
    Replies
    1. நமிக்கையோடு என் நாட்களும் நகர்கிறது நன்றி!

      Delete
  2. மிக்க நன்றி!

    ReplyDelete
  3. உங்கள் தொழிலையும் அருமையாக கவிதை வரியில் வெளிப்படுத்தி உள்ளீர்கள். அருமையான அறிமுகம்! வாழ்த்துக்கள்!

    ReplyDelete
    Replies
    1. தொடர்ந்து கொடுத்து வரும் ஆதரவுக்கு நன்றி!

      Delete
  4. Great Introduction... All the best...

    ReplyDelete
  5. வாழ்த்துக்கள் பாஸ்கர்.. தொடருங்கள் உங்களது வெற்றிப் பயணத்தை..!

    ReplyDelete
    Replies
    1. மிக்க நன்றி! தளத்திற்கு வருகை தந்தமைக்கு நன்றி! தொடர்ந்து ஆதரவு தாருங்கள்.

      Delete
  6. விட்டு விலகி சொர்க்கம் போன உறவு. மனதை தாக்கிய உணர்வு , காலி டப்பாகளில் சென்னை நாகரிகம்

    அருமை , தொடர்ந்து எழுதுங்கள்! வாழ்த்துக்கள்.

    ReplyDelete
  7. நாம் படிப்பது நம் மனத்தில் தாக்கத்தையும், படிக்க வேண்டும் என்ற உணர்வையும் ஏற்படுத்த வேண்டும்.அவை உம்முடைய எழுத்தில் உள்ளது. தற்செயலாக தங்கள் எழுத்தை வலைத்தள்த்தில் காண் நேர்ந்தது. நான் வெளிநாட்டில் (PARIS -FRANCE)வாழ்ந்தாலும் தமிழ் பற்றுடையவன்.நானும் கணனில் hardware இருப்பவன். என் பெயர் சத்யா

    ReplyDelete
    Replies
    1. தளத்திற்கு வருகை தந்தமைக்கு மிக்க நன்றி! தொடர்ந்து ஆதரவு தாருங்கள்.

      Delete
    2. பதில் தந்தமைக்கு நன்றி. நீங்கள் தமிழ் வழி கல்வி பயின்றவரா அல்லது ஆங்கில வழி கல்வியா? தங்களின் தமிழ் நடையும், கற்பனையும் நன்றாக இருக்கிறது. என்ன தான் சிட்டி வாழ்க்கையென்றாலும் சொந்த ஊர் வாழ்க்கையையும், அங்கிருக்கும் சிறப்புக்களையும் எழுதியிருந்தது என்னைக் கவர்ந்தது. ஏனெனில் நாங்கள் வாழும் ஐரோப்பிய வாழ்க்கையில் உங்களைப் போல நாங்களும் சொந்த ஊர் கணவுடன் தான் இருப்போம். உங்களுக்கு மாதங்களாய் இருப்பது எங்களுக்கு வருடங்களாய் இருக்கிறது. எங்கோ பிறந்தாலும், எந்த நாட்டில் வசித்தாலும் நம்மை சேர்த்திருப்பது நமது தாய் மொழியாம் தமிழ் தானே! நான் பாண்டிச்சேரியில் ஆங்கில வழி கல்விபயின்றாலும் தமிழில் ஆர்வமுள்ளவன். இனி வலை வாயிலாக தங்களுக்கு ஆதரவு தருகிறேன். மிக்க நன்றி.

      Delete
    3. தமிழ் வழி கல்வியில்தான் படித்தேன். எத்தனயோ தனிமைகளில் எனது வேதனையையும், இன்பத்தையும் ரசித்திருக்கிறேன்.

      மிக்க நன்றி! தொடர்ந்து ஆதரவு தாருங்கள்!

      Delete
  8. While reading in Thamizh ,it feels really good and the wordings you have used expresses everything perfectly...Best of luck for your dreams

    ReplyDelete

 
Top