முட்டாள் தினம் கவிதை | April fool

Happy Fools day!

கலியுக அரசியல்வாதிகளால்

சிந்திக்க மறந்த முட்டாளாகினோம்!

கற்பனை இல்லா உதாரணம் நாம் 

நிச்சயம் கலப்படம் இல்லா உண்மை!

இலவச பொருட்கள் எல்லாம் 

இலவசமாய் இன்று இல்லத்தில்!

இலவசத்தோடு இலவசமாய் 

இலவச முட்டாள் இணைப்பிதழ் ஆனோம்!

ஊடகங்களின் அகோர பசிக்கு 

உணவாக தினமொரு பொய்கள்!

குப்பை உணவான உண்மைகள்

உப்பில்லா உணவாய் முட்டாள் மக்கள்!

கார்ப்பரேட் எல்லாம் 

சரியாய் சிந்திக்கும் 

சரியாய் சிந்திக்கா மக்களை 

சரியாக பயன்படுத்தும்!

சரி எது ? தவறு எது ?

அறிவாளியா ? முட்டாளா ?

தவறாய் சொல்வார்கள் 

முட்டாள்தான் சரி என்று!

மணல் திருட்டெல்லாம் 

கண் முன் கொள்ளை!

தினம் அறிந்து  இதழ் திறக்கா

நாம் எல்லாம் முட்டாளின் எல்லை!

கட்சியின் கொள்கை எல்லாம்

கண்ட ---------ம் சொல்லும்!

பயணம் என்னவோ 

ஊழலை நோக்கியே செல்லும்!

நாளும் ஏமாறுவதை 

மூளைக்கு நினைவுபடுத்தவே

ஏமாற்றத்தை எடுத்துரைக்கவே 

நமக்கென்று ஒரு நாள்!

முட்டாள் தினத்தை 

கொண்டாடுங்கள்!

தலை கவிழ்ந்து நாணம் மறந்து 

கொண்டாடுங்கள்!

முட்டாள் தின வாழ்த்துக்கள்!

நிலவின் அறியாமை | Nilavin Ariyaamai --

Moon

மதி கெட்ட வெண்மை நிலா 

உன் முக அழகுடன் போட்டி போட்டு

தன முகம் காட்ட துடிக்க 

நிலவின் அறியாமையை 

மறைக்கிறது வெண் மேகங்கள்!

உலக தண்ணீர் தினம் கவிதை | World water day Kavithai

World Water Day

(இளைய நிலா பொழிகிறதே பாடலின் சாயலில்)

நீர் வரவு குறைகிறதே

உலகமெல்லாம் காய்கிறதே!

விழி முடி செவி அடைத்து அலைகிறமே

மானுடரே அறிவில்லையோ  ! ...(2)

நீர் வரவு குறைகிறதே...

வரும் காலம் அலங்கோலம் 

தலைமுறை இனி தேய்பிறையோ

வரும் மழையில் ஒரு குளியல் 

எண்ணமெல்லாம் இனி மறக்கும்! (2)

கானல் நீரிலே தாகம் தீருமோ

தண்ணீரில் முகம் காண அரிதாகுமோ 

தண்ணீருக்கு வரிசை அமலாகுமோ

தண்ணீருக்கா சண்டை  என்றாய்

சொன்ன சொல்லை நீ  மறப்பாய்

சண்டையிட்டு அறிவிழப்பாய்

தண்ணீரை இழந்து நீ நிற்பாய்!(2)

வான வீதியில் வெண் சேலைகள் 

இழந்த சேலையோ கரு மேகமோ 

வான் மேகங்கள் விதவைக் கோலங்கள்!

நீர் வரவு குறைகிறதே...

கவிதை தேடல் | Kavithai Thedal done

Kavithai Thedal

எழுதிய கவிதையில் 

ஏன் இல்லை எதுகை மோனை 

என்று யோசித்த பொழுது 

எண்ணம் மறந்து உன்னை நினைத்தேன்

என் தவறுதான் உன்னை நினைக்காதது!

எனது கவிதை தேடல் நீ !...

உலக மகளிர் தின கவிதை | Ulaka makalir thinam kavithai

Women Day

பெண்கள் மனது சற்று ஆழம்தான்!

நிரம்பிக் கிடக்கிறது 

இரக்கம் தியாகம் காதல் அன்பு!

கலப்பட குணமில்லா நல் இதயங்கள்!

மணம் திறக்க இதழ் திறக்க 

மல்லிகைகள் மறப்பதில்லை 

அன்பு காட்ட மறப்பதில்லை 

அன்னை மன பெண் இதயங்கள்!

இதயம் சில நேரம் பேச 

இதழ்கள் அமைதி கொள்ளும்

இதழ்கள் அனபை நிராகரித்தால் 

இதயம் பெரிதாய் எழுச்சி கொள்ளும்!

விழிகள் இரக்கத்தை பார்வையாகவும் 

இதழ்கள் அன்பை சொற்களாகவும்

இதயம் தியாகத்தை துடிப்பாகவும் 

உயிரோடு ஒட்டிக் கொண்டவள்!

மகளாய் பிறப்பெடுத்து 

குல தெய்வமாய் உருமாறுபவள்

நதிகள் எல்லாம் பெண் பெயர் சூட

பூமியும் சூட்டிக் கொண்டது பூமா தேவியென்று!

உறவு முறை ஆராய்ந்து பார்த்தால் 

உறவு படைத்த பிரம்மா ஆவாள்!

அன்னையாய் காதலியாய்

இன்னும் பல உறவுகள்!

கலியுக அறிவியல் ஆண் மகனையும் 

தாய்மை அடையச் செய்யும் 

இயல்பாய் பெண் சுரக்கும் அன்பை 

இதயத்தோடு ஒட்டுவதில் தோல்வி கொள்ளும்!

பெண்கள் மனது சற்று ஆழம்தான்!

நிரம்பிக் கிடக்கிறது 

இரக்கம் தியாகம் காதல் அன்பு!

கலப்பட குணமில்லா நல் இதயங்கள்!

மகளிர் தின வாழ்த்துக்கள்!.....

தேசிய அறிவியல் தினம் | Dhesiya Ariviyal thinam

Thesiya Ariviyal Thinam

ராமன் விளைவினால் வந்த விளைவு 

தேசிய அறிவியல் தினமாம்!

அறிவினால் வந்த விளைவு அறிவியலாம்!

சிறீப் பாய்ந்து சிரித்து நிற்கின்றது

சிறகுகள் இல்லா ராக்கெட்கள்

செவ்வாய் கிரக செயற்கை கோள்கள்!

இல்லத்து இயந்திர பொருட்களில் 

எண்ணிய வேலை சுகமாய் முடிக்க

கச்சிதமான அறிவியல் உண்டு!

விளையாட்டிலும் அறிவியல் புகுத்துவோம்

வீதியில் காந்தங்களோடு விளையாடுவோம்

விண்ணை தாண்டியும் தேடல் கொள்வோம்!

விடுமுறை காணாத அறிவினால்

மின் விளக்கினால் இரவும் பகலாயிற்று

பகலவனையும் படித்தாயிற்று!

முடியாது என்ற வார்த்தை எல்லாம் 

விழி முடி பல நாளாயிற்று

அறிவியலுக்கு அடி பணிந்தாயிற்று!

இன்னும் சொல்லிச் செல்லலாம் 

அறிவுக்கு எல்லை இல்லை - ஆதலால் 

அறிவியலுக்கும் எல்லை இல்லை!

சர்வதேச உலக நீதி தினம் கவிதை | Sarvadesa Ulaga Neethi thinam

Justice

உன் இதயத் துடிப்பு போலவே 

என் இதயத் துடிப்பும்

உன்னைப் போலவே 

நீ பிறரையும் என்ன வேண்டும்!

உன் அகம் உன் சுற்றம் போல 

என் அகம் என் சுற்றம்

நல் உறவுக்கும் நல் உணர்வுக்கும் 

நீ கை குலுக்கிடல் வேண்டும்!

உன் உடல் உன் குருதி போல 

என் உடல் என் குருதி

நல் சிந்தனைகள் மனதில் ஏற

சாதிகள் உடன் கட்டை ஏறட்டும்!

உன் மதம் போதிக்கும் அன்பைப் போல

என் மதம் போதிக்கும் அன்பு 

மதங்கள் எல்லாம் ஒன்றே 

மனங்கள் முழுமை பெறட்டும்! 

உரிமைகள் முழு உருவம் பெற 

அதிகாரம் அழிந்து போகட்டும்!

எல்லாமே சில காலம்

குற்றங்கள் மண்டி இடட்டும்!  

தனி மனித ஒழுக்கங்கள் 

முழுமையான ஒழுக்கம் பெறட்டும்!

நீதி தேவதையின் தராசுக்கு

வேலை இல்லாமல் போகட்டும்!

சர்வதேச தாய் மொழி தினம் கவிதை | Sarvadesa Thaai mozhi thinam

Thaai mozhli Thinam

மொழியின்றி வாழ்வதில்லை 

இல்லை இல்லை 

தாய் மொழியின்றி வாழ்வதில்லை!

சிந்தனைக்கு கவி சுவை சூட்டவும்

இல்லை இல்லை 

சிந்தனைக்கு கவி சுவை ஊட்டவும்,

நம் கலாச்சாரம் அழிந்து விடாமல் 

இல்லை இல்லை 

நம் கலாச்சாரம் சிதறி விடாமல்,

மொழியில் பிற மொழி புகாமல் 

இல்லை இல்லை 

மொழியில் பிற மொழி கலப்பிடம் ஆகாமல்,

இன்று வரை செம்மொழியாய் 

இல்லை இல்லை 

என்றுமே செம்மொழியாய், 

தாய் மொழியை மனதில் மறவாமல்

இல்லை இல்லை 

தாய் மொழியை மனதில் மறைக்காமல்,

எங்கு நான் நடந்து சென்றாலும் 

எங்கு நான் பறந்து சென்றாலும் 

நிழலாய் பிற மொழி வரட்டும்!

உடலாய் உணர்வாய் உயிர்வாய்

ஆன்மாவாய், ஆம்! ஆன்மாவாய்!

என் தாய் தமிழ் மொழி வரட்டும்!

ஆன்மாவிற்கு அழிவில்லை!

தாய் மொழிக்கு நிகர் ஏதும் இல்லை! 

இனிய காதலிக்கு | Iniya Kaathalikku done

கவிதைகள் எல்லாம்

உன்னை குற்றம் சொல்வதில்லை

மாறாக கடன் மட்டுமே பட்டிருக்கின்றன 

இன்று சற்று அதிகமாகவே

கடன் பட்டிருக்கின்றன!

என் இனிய காதலிக்கு 

பிறந்த நாள் வாழ்த்துக்கள்!


இது போன்ற இன்னும் ஓர் பிறந்த நாள் வாழ்த்து கவிதை இங்கே கிளிக் செய்யவும்

ஜென்மம் நிறைந்தது சென்றவர் வாழ்க வைரமுத்து பாடலின் சாயலில் | Jenmam nirainthathu sendravar vaalka

குழந்தை வேண்டி ஓர் கவிதை | சுமை அறியா கர்ப்ப பை | Kulanthai vendi kavithai | Sumai ariyaa karpam pai

பொய்மையின் உச்சம் | poimaiyin ucham

கெட்டே போகாத தேனுக்கு

காலாவதி நாள் குறிப்பு 

பொய்மையின் உச்சம்!

Vinayagar Sathurthi | விநாயகர் சதுர்த்தி

Vinaayagar Chudarthi

அள்ளித்தரும் பிள்ளையாரை கும்பிடுவோமே பாடல் சாயலில்....

முதன்மை கடவுள் உன்னை நாங்கள் போற்றிடுவோமே!

உன் அருளும் கொண்டு நாங்களும்தான் வாழ்ந்திடுவோமே!

ஐங்கரம் கொண்டு நீயும் அருளிடுவாயே !

அருகம்புல் மகத்துவமும் புரிந்து கொண்டோமே!

உ எழுத்தை பிள்ளையார் சுழி ஆக்கியவன்

கஜம் முகம் கொண்டு கஜமுகன் ஆனவன்

அரச மரம் பலன் அறிந்து கொண்டவன்

அதையே இருப்பிடமாய் ஏற்றுக் கொண்டவன்!

தோப்புக்கரணம் அறிவியலை தொடங்கி வைத்தவன்

வழிபாட்டில் விஞ்ஞானத்தையே சேர்த்து வைத்தவன்!

தாய் தந்தை உலகம் என்று சொல்லி வைத்தவன்

ஓம் கார ரூபத்தின் இருப்பிடம் ஆனவன்!

உயிர்த் தோழிக்கு | to my best friend

En Yuir Tholikku

என் உணர்வுக்கு உயிர் கொடுக்க 

உள்ளத்து துள்ளல்களை சுகமாக்க

வாழ்நாள் கனவு சுக நிஜமாக்க 

என் உள்ளத்து விழி காட்டிய வழி நீ !

கருமேக மழை குளிர் காற்றாய் 

மனதோடு ஒட்டிக் கொண்டு 

நிதமும் என் மனம் வருடும் 

மதுரை மல்லித் தென்றல்  நீ !

உன் குரல் என் செவி அறிந்து 

உன்னதக் குரல் இதுவென்று 

என் அகம் அது தினம் உணர்த்திற்று

தரணியில் சிறகில்லா தமிழ் குயில் நீ !

என் இதயத்திற்கு விழி கொடுத்து 

அதற்கு இமை கொடுக்க நீ மறந்து 

காலம் முழுதும் உன் உள்ளம் பார்க்க

இதய விழி கொடுத்த பிரம்மா நீ !

வாழை மடல் மென்மை நீ கொண்டு 

வானுயர நற்குணம் அதில் விதைத்து

இன்முக நட்பை எனக்கு பரிசாக்கி 

கண்ணீர் ஊற்றை நிறுத்தியவள் நீ !

வலியும் சுகமும் வாழ்வோடு நடை போட

வலியை நிரந்தரமாய் புறந்தள்ளி 

சுகத்தை நிரந்தரமாய் எனதாக்கி 

என் உள்ளத்துக்கு வரம் கொடுத்தவள் நீ !

முகம் பார்க்கும் காதலுக்கு 

உலகத்தை உதாரணம் சொல்லி

உள்ளம் பார்க்கும் நட்புக்கு

உலகமாய் நம்மை உதாரணமாக்கியவள் நீ !

நரை தொடா கவிதை | white hair poem ||

Narai thodaa kavithai

என்றோ அவளுக்காக 

எழுதிய கவிதைகள் 

இன்று வரை இளமையாய்!

மனக் கதவு | manak kathavu

Manak kathavu

தவற விட்ட கடந்த வாழ்க்கையை 

விரல் நுனி கொண்டா தேடுவேன் 

எங்கோ கதவுகள் தாழிடப்பட்டு

எதிர் முனையில் தேடுகிறேன்!

விதை இல்லா வேர் ஏதும் இல்லா

நட்சத்திரம் பூவாய் தெரியுது

என்னோடு நித்தமும் பயணித்த 

வாழ்க்கை மட்டும் தெரியவில்லை!

என் சுவாசக் குழல் புகுந்த காற்றை

அறிவியல் செய்து கூட  அறிந்திடுவேன்

ஆறறிவு கொண்டு அறிய முடியாததை 

எவ்வறிவு கொண்டு அறிந்து கொள்வேன்!

எதிர் காலத்தை கனவுகள் சொல்லுது

கடந்த காலம் சொல்ல களைப்பாகுது

விழி மூடி தூங்கினால்தானே 

கனவுகளும் ஏதேனும் வழி சொல்லும்!

காற்றோடு காற்றாய் கலந்தாலும் 

சல்லடை இட்டு பிரித்திடுவேன்

காயங்களோடு மீட்டு விட்டாலும் 

கண்ணீர் கொண்டு மருந்து இட்டுடுவேன்!

கடந்த வாழ்க்கை தவறவில்லை 

களைப்போடு தேட வேண்டாம் 

கவலை களைந்து விட்டு திறக்கலாம்

கதவுகள் இது மனக் கதவுகளே!

கலைந்த விரதம் | kalaintha viratham

விரதம் காக்கும் விழிகளை 

விரதம் கலைக்க வைத்தாய்!

உன் விழி கண்ட சில நொடிகளால்!

தண்டனை | Thandanai

Biting lip

தண்டனை வேண்டி தவறிழைத்து 

உன் முன்னே நான் நிற்க

தண்டனை கொடுத்து விட்டாய்!

உனக்கு நீயே உதடு கடித்து!

மழை மொட்டுக்கள் | malai mottukkal

காய்ந்த முள்ளின் நுனியில் 

மலர்ந்து விட்டன 

மழைத் துளையின் மொட்டுக்கள்!

உதட்டுச் சாய வேண்டுகோள்

Uthaduch chaaya kavi

இதழ் உதிர்த்த வார்த்தைகளை 

இதழோடு நீ ஒட்டிச் சென்றால் 

காலி இதயத்தோடு கவி எழுதினால் 

என் கவிதை  எப்படி சுகம் பெறும் ?

உதட்டுச் சாயத்திற்கு வேண்டுகோள் !

முடிவு

முடிவு காணும் முன்

முடிந்து விட்ட கவிதை

முற்று பெற்ற வாழ்க்கை!

எல்லாம் தாண்டி | Ellam thaandi

Vibachaari Kavithai

பசி தீர்க்கும்  எல்லா உணவிலும்
ஏதோ ஒரு முனகல் அறிந்தேன்!
தேக ஆசை கொண்ட ஆடவனின்
பணத்தின் உணர்ச்சி என்று அறிந்தேன்!

தேக ருசி கொண்ட கழுகுகள்
வீடு வாயில் வரை தூரத்தின!
கட்டிலோடு தொலையவில்லை
கடந்து போன கட்டில் உறவுகள்!

பேருந்தில் உரசுபவன் முன்னே
தலை நிமிர்ந்து பேசுகிறேன்
பத்தினி வேஷம் போடுகிறேன்
என் தொழில் அவன் அறியாதலால்!

பல வீட்டு கட்டில் கால்கள்
பழுதடைந்தோ சுகமில்லாமலோ ஆனதால்
பழகிப் போனது பலருக்கு என் கட்டில்
பக்குவப்பட்டு நாசமானது என் மனது!

வலிக்காமல் வாழ்க்கை இல்லை
மறைமுகமாக சொல்லி செல்கிறது
ஒவ்வொரு கடந்த இரவுகளும்
சில நாள் என் தேகத்திற்கு விடுமறை!

வளையல் என்றால் உடைகிறது
காப்பு என்றால் வளைகிறது
அணியும் ஆபரணங்கள் உணர்த்துகிறது
கலியுக ஆடவர்களின் காம ஆசையை!

கசங்காமல் உடுத்தி செல்லும் ஆடை
கசங்காமல் திரும்பி வர
கசங்கிய காகித பண கையோடு
கசங்கி இருக்கும் என் தேக மது!

பாதங்கள் படிதாண்டி வெளியேற
வழி மறித்து நிற்கும் மகனிடம்
பதில் எதுவும் சொல்லமுடியவில்லை
எங்கு செல்கிறேன் என்று!

செய்யும் தவறுக்கான காரணத்தோடு
இதழ் சிரித்து இதயம் அழுது
நகர்கிறது என் வாழ்க்கை
கலியுக ராமர்கள் இல்லை - ஆதலால்!

என் கல்லூரி காதல் க(வி)தை

என் கல்லூரி காதல் க(வி)தை

எட்டிப் பிடிக்க நினைத்த கவிதையெல்லாம் 

என்னைக் கண்டும் காணமல் செல்ல 

எட்டிப் பிடித்துக் கொடுத்தவள் 

எனதருகே வராமல் ஒதுங்கிச் சென்றாள்!

அவள் விழியோ காந்தத்தின் வட துருவம் 

என் விழியோ காந்தத்தின் தென் துருவம் 

இருந்தும் ஏன் இருவரும் ஓட்ட வில்லை

காதல் அறிவியலை சபித்துக் கொண்டேன்!

இருந்தாலும் என்றாவது ஒட்டிக் கொள்ளும் 

அதுதான் காந்த விழியின் காதல் அறிவியல்

வகுப்பு முடிந்து கலைந்து செல்வோரில் 

கவனமாய் தேடும் எனது தேடல் விழிகள்!

நட்சத்திர அணி வகுப்பாய் பெண்கள் செல்ல 

ஒற்றை முழுமதியாய் அவள் செல்வாள்

இவள் வருகை எதிர்பார்த்து நந்தவன தேராய் 

தன்னிலை மறந்து காத்திருக்கும் பேருந்து எண் 4!

இவள் பாதம் பேருந்தினுள் மெல்ல பதிய 

பேருந்து இயந்திரமும் காதல் கொள்ளும் 

இயந்திர மனிதனாம் எந்திரனைப் போல!

எட்டி நின்று ரசிப்பேன் மகளிர்  பேருந்து ஆதலால்!

                 

                                                                              தொடரும்...

பஞ்சுப் பொம்மை | panjup pommai

பஞ்சணையில் அமர்ந்திருக்கிறது 

பஞ்சுப் பொம்மை!

உன் கூந்தல் பூக்கள்!

காதல் சொல்ல வந்தேன் | Kaathal solla vanthen

Kaathal sol

என் விழிகள் நகலெடுத்த 

முதல் காதல் நிழற்படமாம் நீ!

காதல் அறியாத உன் விழிகள் 

முதல் காதலை உணரட்டும்!

சிறகில்லாமல் பறக்கும் கருங்கூந்தலில்

சிறகில்லாமல் மாட்டியவன் நான்!

கருங்கூந்தலில் கருப்புநிற வேரிட்டு

கடைசிவரை வாழ நினைக்கிறேன்!

பாரமில்லா உன் இடை அழகால்

பாதங்கள் சுகம் பெற்றிருக்கிறது!

பாரம் தாங்க பழகி கொள்கிறது 

பாரமில்லா என் காதல் இதயம்!

பிறவிக்குருடன் பார்வை பெற்றேன்

அதிலும் முதல் பார்வை உன் முகம்!

வானம் இடிந்து வீழ்ந்த நிலா

வீற்றிருக்கிறது உன் நெற்றியில்!

விரல் தொடா வீணையாய் 

வீணாய் போகாது என் வாழ்வு!

உன் கரம் தொட காதல் நடையோடு 

வந்தேன் ! காதல் சொல்ல வந்தேன்!

அவள் கண்கள் | Aval Kankal

Enchanted Slogan

இதழ் இல்லாமல்  

உச்சரிக்கும் 

வசிய மந்திரம்!

கண்ணாடி முகம் | Kannadi Mukam

Kannadi Mukam

உன் முகம் தினம் கண்டு 

தன் முகம் தினம் பார்த்தது

உன் வீட்டுக் கண்ணாடி!

ஜோதிட வாழ்க்கை | Jothida vaalkai

Kai Rekai

அறிமுகம் அல்லாத

அன்பர்களின் கை ரேகையில்

உலவுகிறது

இவர்கள் வாழ்க்கை!

பூ முகமாய் கவிப் புன்னகை | Kulanthai Sirippu

Smile

உன் மழலை முகம் கண்ட பிற முகங்கள்
பிரம்மன் படைத்த அழகோ யென வருணிக்க
நாத்திகனும் ஆத்திகனாய் உரு மாறினான்!

ஏட்டில் எழுத மனம் நினைத்த கவிதைகள்
வீடு வாயில் நுழையும் முன் மறந்து விட
உன் இதழ் சிரிப்பால் நினைவுபடுத்தி விடுவேன்!

உன் போன்ற சிரிப்பு எவரிடமும் இல்லையென
நான் சிந்தித்து தெளிவு முடிவு பெறும் முன்
மீண்டும் ஒருமுறை சிரித்து விடுகிறாய்!

சுழலும் மின் விசிறி உன் சிரிப்பை தூண்டிவிட
சுழலுகின்ற பூமி ஆச்சர்யமாய் தெரியவில்லை
மின்விசிறிதான் ஆச்சர்யமென்று சொல்லி விடுவேன்!

சொந்தங்கள் எல்லாம் உன்னோடு விளையாட
உன்னோடு உன் பொம்மையாய் நான் விளையாட
எண்ணிய எண்ணம் ஈடேராமல் நொந்து விடுவேன்!

தியானம் என்பது மன அமைதி தரும் என்றால்
நித்திரை கொள்ளும் உன் பூ முகம் கண்டு
விழி திறந்தும் நான் தியானம் கொள்வேன்!

கவி எழுத மறுக்கும் பேனாவிற்கு எல்லாம்
உரிமை கொண்ட வார்த்தை இல்லா கவிஞன்
உன் முகம் கண்டால் கவி எழுதி விடுவான்!

அவ்வாறு உன் மழலை முகம் தினம் கண்டு
தினமொரு கவி எழுதும் உன் ரசிகன்
உன் முக அமைப்போடு உன் தந்தை நானானேன்!

ஆனந்த யாழை மீட்டுகிறாய் பாடல் எனது கவிதையின் வரியில் | Anantha yzhalai meetukiraai

Anantha Yaalai

சிந்தும் மழைத்துளி சிரிக்குதடி அது 

உன்னோடு காதல்  கொள்ளுதடி

உன் விரல் மென்மை உணர்ந்து விட்டேன் 

அது பூவிதழ் தாண்டி அறிந்து விட்டேன் 

உன் புன்னகை தாண்டி உலகம் சொல்ல 

உலகிடம் எதுவும் இல்லையடி

சோர்ந்து கிடக்கும் நெஞ்சங்கள் எல்லாம் 

உன்னிடம் சுகங்கள் பெற்று விடும் 

கண்விழி பார்த்து கவிதைகள் படித்தேன் 

கவிதையில் எதுவும் கற்பனை இல்லை

உலத்தின் துரும்பாய் இருந்தவன் நான் 

உன்னால் உலகமே ஆனதாய் உணர்ந்தேனடி

சிந்தும் மழைத்துளி சிரிக்குதடி அது 

உன்னோடு காதல்  கொள்ளுதடி

உன் விரல் மென்மை உணர்ந்து விட்டேன் 

அது பூவிதழ் தாண்டியதை அறிந்து விட்டேன் 

சுற்றிலும் இயற்கை சொல்லுதடி

சுந்தர தமிழில் பாடுதடி 

மீண்டும் கேட்க நாடுதடி 

உன் புகழ் ஏனோ உயர்ந்தபடி 

அடி தாளங்கள் எதற்கு ராகங்கள் எதற்கு 

உனது குரலே போதுமடி 

உலத்தின் துரும்பாய் இருந்தவன் நான் 

உன்னால் உலகமே ஆனதாய் உணர்ந்தேனடி

சிந்தும் மழைத்துளி சிரிக்குதடி அது 

உன்னோடு காதல்  கொள்ளுதடி

ரோஜாவின் இதழ்கள் சின்னதடி 

உன்னை பார்த்தால் நடுங்குதடி 

உந்தன் அழகோ கூடுதடி 

ரோஜாவோ இன்று தோற்றதடி

அதன் முள்ளையும் தொட்டு நறுமணம் கொடுத்து 

உனக்குச் சமமாய் மாற்றி விடு 

உலத்தின் துரும்பாய் இருந்தவன் நான் 

உன்னால் உலகமே ஆனதாய் உணர்ந்தேனடி

சிந்தும் மழைத்துளி சிரிக்குதடி அது 

உன்னோடு காதல்  கொள்ளுதடி

சிந்தும் மழைத்துளி சிரிக்குதடி அது 

உன்னோடு காதல்  கொள்ளுதடி

பண்பாடு நிலைக்கட்டும் | panbadu nilakattum

Panbaadu

உலகம் முன்னேறியதாய் 

மார் தட்டும் விஞ்ஞானத்திற்கு 

மானம் என்னவென்று அறியாது 

பண்பாடு என்னவென்று புரியாது!

தலைவனைக் கண்ட தலைவியவள் 

தலை கவிழ்ந்து இதழ் சிரித்தாள்

சிறப்பாய் சிதறின இதழ் சிரிப்புகள்

சிதறாமல் இருந்தன பண்பாடுகள்!

தேகம் மறைக்கா ஆடைகள் 

வாழ்வை கெடுக்கும் வாய்ப்புண்டு

பக்குவப்படா மிருகங்கள் விழி முன் 

புத்திசாலித்தனமாய் நடப்பது நல்லது!  

அகவை முதிர்ந்த பெரியவர்களிடம்

அன்போடு நடக்க வேண்டும் 

பண்பு கொண்ட முதிர்ந்த மனது 

பண்பாடோடு உன்னை பாராட்டும்!

இலக்கணம் மறந்த கவிதைகளை

புதுக்கவிதைகள் என புகழ்ந்தாலும்  

மரபு மீறிய கவிதைகள் அவையென

மனம் நினைக்கும் அல்லவா? 

செவ்வாயில் நீர் கண்டுபிடித்தாலும் 

விஞ்ஞானம் ஒளிவேகத்தில் பயணித்தாலும் 

பண்பாடு ஒலி வேகத்திலாவது 

பயணிக்கட்டும்! பண்பாடு நிலைக்கட்டும்!

உவரி சுயம்புலிங்க சுவாமி | uvari suyambulinga swamy

Oovari Suyambulinga temple

அமைதியும் அருளும் தரும் சுயம்புவே!

அலைகடல் உவரியின் அருள் நாயகனே!

அள்ளித் தந்து உலகை வாழச் செய்து

அழகாய் பொலிவாய் வீற்றிருப்பவனே!

பக்தர்கள் வாழ்வுகளின் துயர் துடைத்து

பல மடங்கு இன்பம் பெருக்கியவனே!

மணி ஓசை பக்தர்கள் தூண்டினதால்

மகிமைகள் பல நீ செய்தவனே!

விரதங்கள் பக்தர்கள் மேற்கொள்ள 

விரைந்து அருள் பாலித்தவனே! 

தூயரம் கொண்டு உன்னை நாடியவர்களின்

துயரங்களை துடைத்து எறிந்தவனே!

அலைச்சல் கொண்ட பக்தர்களை 

அதிசயம் காண செய்தவனே!

உன் மணமான சந்தனமும் விபூதியும் 

பக்தர் வெற்றித் திலகமாய் கொடுத்தவனே!

உன் அருள் உலகம் அறிந்ததினால் 

உலகமே உன்னை நாடச்  செய்தவனே!

ஓணம் நல்வாழ்த்துக்கள்| Onam Wishes

Happy Onam Kavithai

சிதறிய பூக்களை தூவி விட 

சிதறாமல் இருக்கிறது 

அழகு கொண்ட கோலங்கள்!

உளி கொண்டு செதுக்கவில்லை 

விரல் நுனியால்  செதுக்கி இருக்கிறாய்!

சிற்பங்கள் இங்கே கோலங்களாய்!

ஓணம் பண்டிகை நல்வாழ்த்துக்கள்!