 |
| Erumbuk koottam |
மெல்லென நடை பயிலும்
பாவையின் பின் நடக்கும்
காளையின் நடைக்கு ஒப்ப
மேவிய ஒலி எழுப்பி
முன் செல்லும் வண்டி தொட்டு
பின் செல்லும் பெட்டி போலும்
அழித்திடும் தன்மை கொண்ட
ஆயுதம் தோளில் தாங்கி செல்லும்
ஆண் மக்கள் படையைப் போல
இன்பமாய் ஒலித்த மணி
இசையென கேட்ட நொடி
ஒன்றினை ஒன்று தொட்டு
ஓடிடும் பள்ளி பிள்ளை யொத்து
காரது கறுத்ததாலே
கவ்விய இரை வாய் தாங்கி
முன்னொன்று முந்தி செல்ல
பின்னொன்று அதை தொடர்ந்து
சிற்றுடல் தனை கொண்டு
சீரிய பயணம் செய்யும்
சின்னஞ்சிறு எறும்பின் கூட்டம்
தன் இடம் சேர வேண்டி
தாரையாய் சென்றது காண்!
கருத்துகள் இல்லை:
கருத்துரையிடுக