தாமரை இதழின் நகலாய்
நான் கண்ட உன் நகங்கள்!

மின்னொளி பட்டு
ஒளிவீசும் வைரமாய்
கண்சிமிட்டும் உன் நகங்கள்!

வளர்பிறை உண்டு
தேய்பிறை இல்லை
ஆதலால் வீதிக்கும்
செல்லவில்லை!

உதடுகளில் உறவாடி
எச்சிலில் விளையாட
வாய்ப்பு இங்கு இல்லை
நகம் கடிக்க மாட்டாயே?

உன் விரல் பிடித்து
உலா வர ஆசை படுவேன்!
உண்மைதான்!

நகம் தொடவும்
மறவ மாட்டேன்!
அதுவும் உண்மைதான்!

ரோஜா மலர் பறிக்க
உன் விரல் ஏங்கும்!
ரோஜா என்னவோ
உன் நகம் தொட ஏங்கும்!

பழமொழி உருமாறும்
புது மொழி உருவாகும்.
இனி உன் நகம் கண்டு
கவிஞனும் சொல்லுவான்!

அகத்தின் அழகு
முகத்தில் மட்டுமல்ல!
நகத்திலும் என்று!

5 comments:

  1. கவிதை அழகு..!
    புதுமொழி..கண்டுபிடித்த கவிஞனுக்கு வாழ்த்துக்கள்..!

    ReplyDelete
    Replies
    1. வருகை தந்து கருத்து பதிவு செய்தமைக்கு மிக்க நன்றி!

      Delete
  2. Replies
    1. தொடர்ந்து கொடுத்து வரும் ஆதரவுக்கு மிக்க நன்றி!

      Delete
  3. நகம் கடிக்கவில்லை என்று சொல்லும் வரிகள் மனத்தைக் கவர்ந்தது. வாழ்த்துக்கள்.

    ReplyDelete

 
Top