துன்பங்கள் அவலமாய் கோர்த்து
துயர் கொண்ட மாலையாய்
வாழ்கையில் தினம்  விழ
விதியால் வந்த துன்பம் தனை
வீதியில் எரியச் செய்த நட்பு
எனக்கான இதயம் என் நண்பன்!

விழிமூடி இரவுகள் இருள் காட்ட
விழிதிறந்து பகலையும் காட்ட
இரவும் பகலும் ஓய்வு எடுக்காது
சுகம் காணும் கனவில் உலா வந்து
தினம் ஒரு கவிதைப் பரிசு
தந்து செல்லும் என் காதல்.
எனக்கான இதயம் என் காதலி!

அன்பு எனும் அளவுகோலின்
அகரமும் சிகரமுமா யிருந்து
உலகத்திலும் உறவுகளிலும்
உன்னதமும் புனிதமுமா யிருந்து
கற்பனை தீண்டா கவிதை யாய்
சொந்தங்களில் முதன்மையாய்
மெய்யான தத்துவம் என் அம்மா!
எனக்கான இதயம் என் அம்மா!

6 comments:

  1. உங்களின் இதயத்திற்கு வாழ்த்துக்கள்...

    ReplyDelete
    Replies
    1. வாழ்த்துக்களை பெற்றுக் கொண்டோம்.நன்றி

      Delete
  2. சிறப்பான வரிகளுக்குப் பாராட்டுக்கள் !
    பிறக்கப் போகும் புத்தாண்டில் எல்லா நலனும் வளமும் பெற்று
    வாழ்க வாழ்கவென வாழ்த்துகின்றேன் சகோதரா .

    ReplyDelete
    Replies
    1. மிக்க நன்றி!
      எல்லா வளமும் பெற இறைவனை வேண்டுகிறேன்!
      உங்களுக்கும் புது வருட வாழ்த்துக்கள்!

      Delete
  3. நட்பு காதல் அன்னை ... உங்களுக்கான இதயங்கள். வாழ்த்துக்கள்

    ReplyDelete

 
Top