பிரசவ வலிக்குப் பயந்த நான்...

பெண்மையை உயர்த்திப் பேச 

என்னை நானே 

தாழ்த்திக் கொண்டதும் உண்டு.

பிரசவ வலிக்குப் பயந்த நான் 

ஆண் மகனாக பிறந்தேன்.

கவிதை பேசும் காதணிகள்...

ஒற்றைக் கால் பூக்கள் 

தலையாட்டி கவிதை பேசுகிறது.

என்னவளின் காதணிகள்!

பெண்மை என்ற பெயர்.........

பெண்மை மென்மேலும் 

பெருமை அடைகிறது.

தாய்மை அடையும் பொழுது.

ஓரப் பார்வை........

Oorap paarvai

எந்த அகராதியில் தேடியும் 

கிடைக்காத அர்த்தம் அது.

ஒரே ஒரு 

ஓரப் பார்வை 

ஓராயிரம் பதிலைச் சொல்கிறது.

அதோ ! 

திரும்பி பார்த்து விட்டுச் செல்லும் 

என் காதலி 

என்னிடம் விட்டுச் சென்றது!

நிலவு...

அந்தரத்தில் தொங்கிக் கொண்டிருக்கிறது

அந்த எழுதப்படாத   வெள்ளைக் காகிதம்

தலைப்பு மட்டும் கொடுத்து விட்டார்கள் 

நிலவு என்று.

தமிழீழம்....

Tamil eelam

கற்பனையின் அன்னையாம் 

கவிதை தலைக் குனிய 

எனது எழுத்தில்

உண்மை வரிகள் வெளிப்படுகிறது.

கற்பனைக்கு வேலை இல்லை

தமிழீழத்தை  நினைத்து

கவிதை எழுதும் பொழுது.

இது எங்கள் சென்னை...

Enkal Chennai

காற்றில் பறக்க விட்ட விதிகள்
பேருந்துப் புகையோடு பறந்த

சிகரெட் புகை 

இது எங்கள் சென்னை.

அலுவலகத்தை நோக்கி 

ஊதியத்தை எதிர்பார்த்து 

பழுதடைந்த பேருந்தில் 

எங்கள் பயணம்.

இது எங்கள் சென்னை.

சென்னைக்கே உரித்தான 

கெட்ட வார்த்தை அது

இது வாய்மொழி இலக்கியமா?

இல்லை செவிவழி இலக்கியமா?

சந்தோசம் கோபம் 

இந்த இரண்டின் முழக்கம் அது!

இது எங்கள் சென்னை.

மஞ்சள் பை அது 

மாடிகள் பல கட்டும்

உழைப்புக்கு உயர்வு

இது எங்கள் சென்னை.

மகிழூந்து வைத்து 

சுட்டெரிக்கும் வெயிலை 

மேலும் சூடாக்குவோம்.

இது எங்கள் சென்னை!

பாதங்கள் இரண்டும் 

சாலையில் பதியாமல் 

இரு சக்கர வாகனத்தில்

நான் வீடு சென்றால்

பெரிய சாதனை.

வாகன நெரிசல்

எங்கள் சாலையின் தனித்துவம்.

இது எங்கள் சென்னை!

அகத்தின் அழகு 

முகத்தில் தெரியுமாம்.

எங்கள் சென்னையின் அழகு 

கூவம் ஆற்றில் தெரியும்.

இது எங்கள் சென்னை!

அழகான மெரினா மணல் அது 

உருண்டாலும்

புரண்டாலும் 

அழுக்கு ஒட்டாது.

காதல் பெயரைச் சொல்லி 

அழுக்கு இதயங்கள் 

அதன் மேல் அமர்ந்து இருக்கும்.

சுற்றுலா வந்த கிராமத்துப் பறவை

அதிசயமாய் பார்க்கும்.

இது எங்கள் சென்னை!

நிறைகள் சில 

குறைகள் பல

இருந்தாலும் கூறிக் கொள்வோம்.

இது எங்கள் சிங்காரச் சென்னை!

சிங்காரச் சென்னை

உங்களை அன்புடன் வரவேற்கிறது!

காகிதத்தைச் சேமிப்போம்!....

Kaakitham

பணத்தை வெளியேத் தள்ளிய 

தானியங்கி காசாளும் இயந்திரம் 

என்னிடம் சொன்னது

காகிதத்தைச்  சேமிப்போம்!

வீழ்ந்து விடுவதில்லை..

Veelnthu Viduvathillai

விழுந்துவிட்ட என் காதல்

வீழ்ந்து விடுவதில்லை.

விட்டுக் கொடுத்துப் போகும்

என் காதலியால்!

அசை போடும் உன் நினைவுகள்..........

Ninaivukal

அசை போடும் உன் நினைவுகள் 

இன்று வரை ஜீரணம் ஆகவில்லை

ஆறடி குழியில் சேர்ந்த பின்னும்.

தாய்மை...

Thaaimai

ஆண் மகனும் 

தாய்மை அடைகிறான்.

அவன் நட்ட விதைகள்

மண்ணைத் துளைத்து

வெளி வரும் பொழுது!

கோடை கால பறவை

Paravai kavithai

நீர் தேடி அலையும்

பறவையின் மனக் குமுறல் இதோ...

வீதி  உலா நானும் வருகிறேன்

வானின் வழியாக

தாகம் தணிக்க

நீர் தேடி அலைகிறேன்...

கானல் நீரைக் கண்டு

ஏமாற்றம் அடைகிறேன்.

வீதி  உலா நானும் வருகிறேன்...

கண்ணுக்கு எட்டிய தூரம் வரை

பசுமை தெரியவில்லை.

பண முதலைகளின்

நில அளவுக் கல்.

சாரை சாரையாய்.

வீதி  உலா நானும் வருகிறேன்...

பறி போன விளை நிலம் அது.

வில்லங்கச் சான்றிதழ் கேட்டு

வீதியில் போராடுகிறான்

விவசாயி ஒருவன்.

நேற்று வரை

என் தாகம் தணித்த

கடவுள் அவன்.

வீதி  உலா நானும் வருகிறேன்...

இதயத் துடிப்பு அதிகமாக

இளைப்பார இடம் தேடுகிறேன்.

புல்வெளி கூட இல்லாத இடத்தில்

மரங்களை நான் எங்கே தேடுவது ?

வீதி  உலா நானும் வருகிறேன்...

எனது சிறகுகள்

வலிக்க மட்டுமா செய்கிறது

கனக்கவும் செய்கிறது.

இருந்தாலும் தொடர்கிறேன்

தாகம் தணிக்கும் நீர் தேடி.

வீதி  உலா நானும் வருகிறேன்...

உடலில் உயிர் இருக்க வேண்டி

உங்கள் வீட்டு மாடி தேடி வருகிறேன்..

குவளையில் தண்ணீர் வைத்திடு தாயே!

எனது வீதி உலாவை

இனிதாய் நிறைவு செய்(தாயே)!!!.

காலண்டர்...

Calendar kavithai

காலம் என்னும் காலண்டர்

தினமும் ஒரு கிழமையை 

உதிர்க்கிறது.

காகிதப் பூக்கள் என்பதால் 

வண்டுகளும் சீண்டவில்லை.

தென்றலும் வருடவில்லை.

மானுடனின் வியாபாரப் புத்தி 

உன்னையும் விட்டு வைக்கவில்லை.

விளம்பரத்தை உன்னில் பதித்தான்.

விளம்பரம் மட்டும் தானா?

சாதி, மதம் , கட்சி ........

உழைப்பும் 

உணர்வுகளும் 

சிந்தனைகளும் 

தீர்மானிக்கதக் காலத்தை 

ராசி பலன் சொல்லிற்று.

கன்னி ராசிக்கு 

இன்று உற்சாகமாம் !

மூடப்பட வேண்டிய மூடநம்பிக்கைகள் 

மூடப்படாமல் இருக்கிறது உன்னுள்.

எமகண்டம் முதல் சூலம் வரை.

நீ என்ன செய்வாய் ?

சாஸ்திரங்கள் உன் தோழன் ஆயிற்றே!

சூலம் - கிழக்கு ....

உனக்கு மட்டும் 

இது விதி விலக்கு.

கடிகாரம் என்ற பெயரில் 

உன் தமையனும் அங்கே

தொங்க விடப்பட்டிருக்கிறான்.

சுவரில் தொங்கிக் கொண்டே 

மானுடர்களின் வாழ்க்கையை 

நொடிக் கணக்கிலும் 

நாள் கணக்கிலும்

ஆட்டுவிப்பது 

உங்களுக்குக் கை வந்த கலை.

அமைதியாக மின் விசிறி காற்றில் 

முனு முனுக்கும் நீ

என் காதலியின் 

முனு முனுக்குக்கு இணைதான்.

காலத்தை உணர்த்துபவன் 

என்பதால்தான் என்னவோ

உனக்கு மட்டும் விதி விலக்கு.

காலம் தாழ்த்திக்

காலையில் கிழிக்கப்படுகிறாய்.

இழந்த காலமும் 

இழந்த உயிரும் 

திரும்ப வராது

வருடத்தின் முதல் இதழிலும் 

காலம் பொன் போன்றது 

கடமை கண் போன்றது

உன் கடைசி இதழிலும் 

எழுதப்பட வேண்டிய 

மானுட வாசகங்கள்!

இழப்பீடு ஹைக்கூ

Ilappeedu

இறந்த காதலும் 

கேட்கிறது இழப்பீடாக

ஆறடி நிலம்.

இதயம் வலிக்கிறது...

Ithayam valikkirathu

எனது பேனாவில் 

மை மட்டும்தான்

சுரந்தது.

கவிதை எழுத 

என் கற்பனை அல்லவா

கசிந்தது.

இதயம் வலிக்கிறது.

இணையத்தில் என் கவிதை 

திருடப்படும் பொழுது!

எவர் முன்பும் 

நான் மண்டியிடவில்லை!

கற்பனையைத் தொழுகிறேன்.  

அருளை அவன் புரிகிறான் 

கவிதையாக!

இதயம் வலிக்கிறது.

இணையத்தில் என் கவிதை 

திருடப்படும் பொழுது!

களவாடப்பட்ட கவிதைக் கண்டு 

கண்ணீர் சுரந்தது

கண்களில் அல்ல!

இதயத்தில்.....

இரக்கம் கொண்ட இதயம் இது!!!

இதயம் வலிக்கிறது.

இணையத்தில் என் கவிதை 

திருடப்படும் பொழுது!

விடா முயற்சி

Vidaa muyrachi

இளைஞனே !

இயலாது என்ற

வார்த்தையைக் கூறி 

உன் விழிகளை நீயே 

மூடிக் கொள்ளாதே!

தமிழ் அகராதியில் மட்டும்

இருக்க வேண்டிய வார்த்தை அது!

உன் அகராதியில் அல்ல!

இயலும் என்ற 

வார்த்தையைக் கூறி 

உன் விழிகளை 

நீயே திறந்து கொள்.

விழிகளை விரைவாய் 

திறந்துப் பார்த்து 

வெற்றி எனும் பாதையில் 

பயணத்தைத் தொடர்!

இனிதாய்த்  தொடர்ந்த 

இன்பப்  பயணத்தின் இடையில் 

தோல்வி எனும் 

பாதை வரலாம்!

தடைக் கற்களும் 

உன்னால் செதுக்கப்பட வேண்டும்

வெற்றிப் படிக்கட்டுகளாக!

எப்படியும் வாழலாம் 

என்றில்லாமல் 

இப்படித்தான் வாழ வேண்டும்.

உன் மனதில்

நிறுத்தப்பட வேண்டிய வாசகங்கள்!

லட்சியம் என்னும் எண்ணத்தை

உன்னுள் வை.

அலட்சியம் செய்யாமல் 

அதை நினை.

அரை நொடி கூட

வீணாக்க வேண்டாம்.

உன் முயற்சியின் விளைவு

இறுதியில் மாறும்

இமாலய வெற்றியாக!

விடா முயற்சியுடன் 

முயற்சி செய்தால் 

விடிந்த பிறகு 

உன் வானில் ஜொலிக்கும் 

நட்சத்திரமே நீதான்...

விடா முயற்சிக்கான மற்றுமொரு கவிதை
http://nellaibaskar.blogspot.com/2014/01/blog-post_5.html

இது கலியுகக் காதல்......

Kaliyuka kaathal

உண்மை அன்பைப் 

புரிந்து கொள்ளாதக் காதல்

சதைத் தின்னும் 

கழுகிடம் மாட்டி கொள்ளும்.

இது கலியுகக் காதல்.

காமத்துப் பாலில் 

இல்லாதக் காமங்கள் கூட

கலியுகக் காதல் 

கற்றுக் கொடுக்கும்.

நாணலைத் தேடும் 

காதலை விட 

அறைகளைத் தேடும் 

கலியுகக் காதல் அதிகம்.

கலியுகக் காதலின் 

உறைவிடம் இருள்.

ஏனோ தெரியவில்லை.

கலியுகக் காதலுக்கு 

வெளிச்சமே பிடிக்கவில்லை!

காதல் மயக்கம் மாறிப் போய்

காம மயக்கம் ஆனது.

இது கலியுகக் காதலின் அடையாளம்.

காதல் ஓர் உண்மையான அன்பு!

காதல் புனிதமானது!

உண்மை காதல் 

கண்களால் பேசும்! 

உணர்வுகளால் உறவாடும்!

நாணத்தால் விளையாடும்!

காதலைக் களங்கப்படுத்த வேண்டாம்!

கண்ட கண்ட இடங்களில் 

காமத்தை வெளிப்படுத்தி 

தெரு நாயாய் மாற வேண்டாம்!

தெய்வீகக் காதலின் 

தவறான இலக்கணம்

கலியுகக் (காமக்) காதல்!

காதலியைத் தேடி........

Kaathaliyaith Thedi

இது ஏனோ தெரியவில்லை 

என் இதயம் இன்று வரை  

இரத்தத்தை உடல் முழுதும் 

பரப்பும் வேலையை மட்டும் 

செய்து கொண்டிருக்கிறது...

காதலியைத்  தேடி........

marriage kavithai in tamil | திருமண வாழ்த்துக்கள்

Thirumana Vaalthu Kavithai

நாதஸ்வர சத்தம் கேட்டு

நான்கு திசைகளிலும் இருந்து 

தென்றல் வந்தது...

திருமண வாழ்த்துச்  சொல்ல....

திருமண வாழ்த்துக்கள்..

சந்தனமும் குங்குமமும் 

மாறி மாறி வாழ்த்துச் சொன்னது

திருமண வாழ்த்துக்கள்..

அறம் பொருள் இன்பம் 

உங்களுக்காக படைக்கப்பட்ட 

தமிழ் வார்த்தைகள்.

வார்த்தை சொன்ன வாழ்த்து இது..

திருமண வாழ்த்துக்கள்..

பொருத்தமுள்ள ஜோடிக்கு 

பூமாலையாக அமைந்ததாக

ஆரவாரம் கொண்ட

பூக்களின் மண வாழ்த்துக்களோடு 

என் மன வாழ்த்துக்களும்....

திருமண வாழ்த்துக்கள்..

பதினாறும் பெற்று 

பெருவாழ்வு வாழ்க!!!

மற்றுமொரு திருமண வாழ்த்துக் கவிதை படிக்க , இங்கே கிளிக் செய்யவும்

கிளிப் பிள்ளை | Kilippillai

kili pillai

பிரசவ வலி அறியாத 

மலடியும் இன்று தாய்.

கிளி ஒன்றை வளர்த்து 

அம்மா சொல்லச் சொல்லி 

பறவையையும் மாற்றினாய்

கிளிப் பிள்ளையாக !

இதோ தாயின் குரல் 

கிளிப் பிள்ளையை நோக்கி...

அம்மா சொல்லு செல்லம் 

அம்மா சொல்லு 

அம்மா!!!

காதலர்களின் முதல் சந்திப்பு

Muthal Santhippu

தலை சாய்த்த 

நெற்கதிரைப் போல்

நாணம் கொண்ட முகம்.

அழகின் எல்லை அது 

அளவோடு சிவந்து சிரித்த 

நாணம் கொண்ட உதடுகள்

புள்ளி வைக்காத கோலம்

அழகாக போட்ட 

நாணம் கொண்ட கால்கள்.

விரல்களுக்கு இடையே 

பரிமாறப்பட்ட கவிதை சொடுக்குகளின் 

நாணம் கொண்ட விரல்கள்.

நேருக்கு நேர் 

முகம் பார்க்க 

நாணம் கொண்ட கண்கள்.

மஞ்சள் தேகத்திற்கு 

சிகப்பு சாயம் 

நாணம் கொண்ட கன்னங்கள்.

அழகு அழகு 

பெண்மைக்கு நாணம் அழகு 

என்னவளுக்கு 

அது இயல்பான அழகு!

பள்ளி தோழனுக்கு .....

Schoomate kavithai

அன்று ஒரு நாள் 

பள்ளிக்கூட வேப்ப மர நிழல்

மதிய உணவு இடைவேளை 

பகிர்ந்தளிக்கப்பட்ட உணவுகள் 

பரிமாறப்பட்ட பாசங்கள்(நட்பு).

ஆம் ! உன் பிறந்த நாளை முன்னிட்டு 

என் ஆழ்மனதில் எழுந்த நினைவுகள்.

நம் நட்புக் கூட்டங்கள் 

ஒன்றாகச் சேர்ந்து 

கேலியும் கிண்டலுமான 

கதை பேசி 

கழிந்த காலங்கள் அவை..

இடை இடையே 

இயற்பியலும் வேதியலும்.

பல சான்றோர்களின் 

நூல்களைப் படித்திருக்கிறேன்

மனித ஜென்மம் பாவம் என்று.

உன்னுடன் பழகிய பின்பு - நான் 

ஏற்றுக் கொள்ளாத வார்த்தைகள் அவை.

கடந்த காலம் திரும்ப வராது

பல முறை பேசிய 

தந்தை பேச்சு உணர்த்தவில்லை.

அன்று ஒரு நாள் 

பத்தாம் வகுப்பு படிக்கும் பொழுது 

நானும் எனது நண்பனும் என்று 

ஆரம்பிக்கும் எனது உதடுகள் 

உள் மனதுக்கு உணர்த்தியது 

கடந்த காலம் என்னவென்று.

உன் நினைவுகள் 

என் ஆழ் மனதில் 

சற்று ஆழமாகத்தான்

புதையலாக 

புதைக்கப்பட்டிருகிறது.

புதையலை தேடி 

எனது பயணம் 

இன்னமும் 

தொடர்ந்து கொண்டுதான் இருக்கிறது.

அன்று நாம் சாப்பிட்ட 

கைகளின் ஈரம் 

இன்னமும் காயவில்லை

என்பதால்தான் என்னவோ 

இன்று வரை 

உன்னைச் சந்தித்து 

கை குலுக்கவில்லை.

நமது பள்ளிக்கூட 

வேப்ப மரத்து நினைவுகளோடு 

உன்னை மனமார வாழ்த்துகிறேன்.

என் உயிர் தோழனுக்கு

பிறந்த நாள் வாழ்த்துக்கள்....

Arthamulla hindhu matham | அர்த்தமுள்ள இந்து மதம்

Arthamulla Indhu matham

காலம் கடந்து 

நான் தொட்ட பகவத் கீதை.

உண்மைதனை உணர்ந்தேன்

விதியும் மதியும் என்னவென்று.

உன் அர்த்தமுள்ள இந்து மதத்தினால்!

என் காதலுக்குக் கண்ணில்லை

காதலை பொறுத்தவரை

நான் குருடன்தான்- ஆனாலும் 

பள்ளம் மேடு அறிந்து 

பாதையில் பயணிப்பேன்.

உன் அர்த்தமுள்ள இந்து மதத்தினால்!

ஒரு கோப்பையிலே 

உன் குடியிருப்பு - இனி

உன் அர்த்தமுள்ள இந்து மதத்திலே

என் குடியிருப்பு.

கவிதை உலகிற்கும் 

கற்பனை உலகிற்கும்

தத்துவ உலகிற்கும் 

மறையா சூரியனே!

கவிஞர் கண்ணாதாசனே!

அர்த்தமுள்ள இந்து மதம் 

அருளியமைக்கு நன்றி!

vetkam tamil kavithai | நாணம் கவிதை

Vetkam Kavithai

விலை மதிப்பில்லா 

உன் வெட்கங்கள் 

விலை கொடுத்து வாங்கியது 

என்னவென்று தெரியுமா?

பல இளைஞர்களின் இதயத்தை!!!

Nilavu Kavithai | நிலா கவிதை

Nilaa illatha vaanam

என் மன வானில் 

சிதறி கிடக்கும் விண்மீன்களாய் 

எனது தோல்விகள் 

வெற்றி பெற்றவனாக 

ஒற்றை நிலா

தோல்விகளின் அரசன்.

தினமும்  ஒரு வானம் 

நான் படைத்தது கொண்டுதான் 

இருக்கிறேன்.

சில நாள்கள் 

நிலா இல்லாத வானமாக...

kadhal kavithai | கடல்

Kadal Kavithai

வான மகள் 

ஆடையின் நிறமாம் 

நீலம் தனை 

பிம்பமாய்

பிரதிபலித்தாய்.

கண்ணாடி இல்லாமல்.

kalapadam | கலப்படம்.......

Kalappadam

தங்கத்தில்

வெள்ளி கலப்படம்.

என்னவளின் பாதத்தில்

வெள்ளி கொலுசுகள்!

செல்போன் கோபுரங்கள்

Cellphone tower

இறந்த குருவிகளின் 

நினைவு சின்னமாய் 

ஆங்காங்கே  எங்கள் 

கிராமத்து  கழனிகளின் நடுவில் 

செல்போன் கோபுரங்கள்!

திருமணம் எப்பொழுது???

Marriage Kavithai

நாளுக்கு நாள் கூடி வரும்

உன் அழகில் 

என் எதிர்காலம் மயங்குதடி!

எதிர்கால கனவுகள் 

நிகழ்கால மூளையில்

நிரந்தரமாய் பதிய ஏங்குதடி!

நமது திருமணம் எப்பொழுது??

மகளிர் தின வாழ்த்துக்கள்!

Makalir thina Kavithai

பெண்மையை

தமிழுக்கு இணையாய் ஒப்பிட்டு

தமிழ்த்தாய் பாடிய

சிறு வயது பள்ளி கூடத்திலேயே  

உணர்ந்தேன்.

பெண்மையின் அருமையை!

மகளிர் தின வாழ்த்துக்கள்!

பகு எண் பகா எண்

Paku en pakaa en

என்னை நானே 

வகுத்து கொள்ளும் 

பகா எண்ணாகிய 

என் பெயர் முயற்சி!

பலராலும் வகுக்கப்படும் 

பகு எண்ணாகிய 

என் பெயர் தோல்வி!

தமிழ்!

Tamil

தமிழில் உயிரெழுத்தாக 

மாற்றப்படவேண்டிய 

முத்தான மூன்று எழுத்துக்கள் 

தமிழ்!

இதயம் எனும் கருவறை

Ithyam Sirai 

உன் காதணிகள் கவிதை பேச

கூந்தல் அதன் அழகை மறைக்க 

உன் சிரிப்புகள் என்னை கவர்ந்திழுக்க 

என் இருவரி திருக்குறளாகிய 

உன் இதழ்கள் அதை கண்டிக்க 

இதயம் எனும் கருவறையில் 

இதமாக நுழைந்தேன்!

காதலனாய் பிரசவிக்கும் 

காலம் அது எந்நாளோ ?