காதலியைத் தேடி........

Kaathaliyaith Thedi

இது ஏனோ தெரியவில்லை 

என் இதயம் இன்று வரை  

இரத்தத்தை உடல் முழுதும் 

பரப்பும் வேலையை மட்டும் 

செய்து கொண்டிருக்கிறது...

காதலியைத்  தேடி........

marriage kavithai in tamil | திருமண வாழ்த்துக்கள்

Thirumana Vaalthu Kavithai

நாதஸ்வர சத்தம் கேட்டு

நான்கு திசைகளிலும் இருந்து 

தென்றல் வந்தது...

திருமண வாழ்த்துச்  சொல்ல....

திருமண வாழ்த்துக்கள்..

சந்தனமும் குங்குமமும் 

மாறி மாறி வாழ்த்துச் சொன்னது

திருமண வாழ்த்துக்கள்..

அறம் பொருள் இன்பம் 

உங்களுக்காக படைக்கப்பட்ட 

தமிழ் வார்த்தைகள்.

வார்த்தை சொன்ன வாழ்த்து இது..

திருமண வாழ்த்துக்கள்..

பொருத்தமுள்ள ஜோடிக்கு 

பூமாலையாக அமைந்ததாக

ஆரவாரம் கொண்ட

பூக்களின் மண வாழ்த்துக்களோடு 

என் மன வாழ்த்துக்களும்....

திருமண வாழ்த்துக்கள்..

பதினாறும் பெற்று 

பெருவாழ்வு வாழ்க!!!

மற்றுமொரு திருமண வாழ்த்துக் கவிதை படிக்க , இங்கே கிளிக் செய்யவும்

கிளிப் பிள்ளை | Kilippillai

kili pillai

பிரசவ வலி அறியாத 

மலடியும் இன்று தாய்.

கிளி ஒன்றை வளர்த்து 

அம்மா சொல்லச் சொல்லி 

பறவையையும் மாற்றினாய்

கிளிப் பிள்ளையாக !

இதோ தாயின் குரல் 

கிளிப் பிள்ளையை நோக்கி...

அம்மா சொல்லு செல்லம் 

அம்மா சொல்லு 

அம்மா!!!

காதலர்களின் முதல் சந்திப்பு

Muthal Santhippu

தலை சாய்த்த 

நெற்கதிரைப் போல்

நாணம் கொண்ட முகம்.

அழகின் எல்லை அது 

அளவோடு சிவந்து சிரித்த 

நாணம் கொண்ட உதடுகள்

புள்ளி வைக்காத கோலம்

அழகாக போட்ட 

நாணம் கொண்ட கால்கள்.

விரல்களுக்கு இடையே 

பரிமாறப்பட்ட கவிதை சொடுக்குகளின் 

நாணம் கொண்ட விரல்கள்.

நேருக்கு நேர் 

முகம் பார்க்க 

நாணம் கொண்ட கண்கள்.

மஞ்சள் தேகத்திற்கு 

சிகப்பு சாயம் 

நாணம் கொண்ட கன்னங்கள்.

அழகு அழகு 

பெண்மைக்கு நாணம் அழகு 

என்னவளுக்கு 

அது இயல்பான அழகு!

பள்ளி தோழனுக்கு .....

Schoomate kavithai

அன்று ஒரு நாள் 

பள்ளிக்கூட வேப்ப மர நிழல்

மதிய உணவு இடைவேளை 

பகிர்ந்தளிக்கப்பட்ட உணவுகள் 

பரிமாறப்பட்ட பாசங்கள்(நட்பு).

ஆம் ! உன் பிறந்த நாளை முன்னிட்டு 

என் ஆழ்மனதில் எழுந்த நினைவுகள்.

நம் நட்புக் கூட்டங்கள் 

ஒன்றாகச் சேர்ந்து 

கேலியும் கிண்டலுமான 

கதை பேசி 

கழிந்த காலங்கள் அவை..

இடை இடையே 

இயற்பியலும் வேதியலும்.

பல சான்றோர்களின் 

நூல்களைப் படித்திருக்கிறேன்

மனித ஜென்மம் பாவம் என்று.

உன்னுடன் பழகிய பின்பு - நான் 

ஏற்றுக் கொள்ளாத வார்த்தைகள் அவை.

கடந்த காலம் திரும்ப வராது

பல முறை பேசிய 

தந்தை பேச்சு உணர்த்தவில்லை.

அன்று ஒரு நாள் 

பத்தாம் வகுப்பு படிக்கும் பொழுது 

நானும் எனது நண்பனும் என்று 

ஆரம்பிக்கும் எனது உதடுகள் 

உள் மனதுக்கு உணர்த்தியது 

கடந்த காலம் என்னவென்று.

உன் நினைவுகள் 

என் ஆழ் மனதில் 

சற்று ஆழமாகத்தான்

புதையலாக 

புதைக்கப்பட்டிருகிறது.

புதையலை தேடி 

எனது பயணம் 

இன்னமும் 

தொடர்ந்து கொண்டுதான் இருக்கிறது.

அன்று நாம் சாப்பிட்ட 

கைகளின் ஈரம் 

இன்னமும் காயவில்லை

என்பதால்தான் என்னவோ 

இன்று வரை 

உன்னைச் சந்தித்து 

கை குலுக்கவில்லை.

நமது பள்ளிக்கூட 

வேப்ப மரத்து நினைவுகளோடு 

உன்னை மனமார வாழ்த்துகிறேன்.

என் உயிர் தோழனுக்கு

பிறந்த நாள் வாழ்த்துக்கள்....

Arthamulla hindhu matham | அர்த்தமுள்ள இந்து மதம்

Arthamulla Indhu matham

காலம் கடந்து 

நான் தொட்ட பகவத் கீதை.

உண்மைதனை உணர்ந்தேன்

விதியும் மதியும் என்னவென்று.

உன் அர்த்தமுள்ள இந்து மதத்தினால்!

என் காதலுக்குக் கண்ணில்லை

காதலை பொறுத்தவரை

நான் குருடன்தான்- ஆனாலும் 

பள்ளம் மேடு அறிந்து 

பாதையில் பயணிப்பேன்.

உன் அர்த்தமுள்ள இந்து மதத்தினால்!

ஒரு கோப்பையிலே 

உன் குடியிருப்பு - இனி

உன் அர்த்தமுள்ள இந்து மதத்திலே

என் குடியிருப்பு.

கவிதை உலகிற்கும் 

கற்பனை உலகிற்கும்

தத்துவ உலகிற்கும் 

மறையா சூரியனே!

கவிஞர் கண்ணாதாசனே!

அர்த்தமுள்ள இந்து மதம் 

அருளியமைக்கு நன்றி!

vetkam tamil kavithai | நாணம் கவிதை

Vetkam Kavithai

விலை மதிப்பில்லா 

உன் வெட்கங்கள் 

விலை கொடுத்து வாங்கியது 

என்னவென்று தெரியுமா?

பல இளைஞர்களின் இதயத்தை!!!

Nilavu Kavithai | நிலா கவிதை

Nilaa illatha vaanam

என் மன வானில் 

சிதறி கிடக்கும் விண்மீன்களாய் 

எனது தோல்விகள் 

வெற்றி பெற்றவனாக 

ஒற்றை நிலா

தோல்விகளின் அரசன்.

தினமும்  ஒரு வானம் 

நான் படைத்தது கொண்டுதான் 

இருக்கிறேன்.

சில நாள்கள் 

நிலா இல்லாத வானமாக...

kadhal kavithai | கடல்

Kadal Kavithai

வான மகள் 

ஆடையின் நிறமாம் 

நீலம் தனை 

பிம்பமாய்

பிரதிபலித்தாய்.

கண்ணாடி இல்லாமல்.

kalapadam | கலப்படம்.......

Kalappadam

தங்கத்தில்

வெள்ளி கலப்படம்.

என்னவளின் பாதத்தில்

வெள்ளி கொலுசுகள்!

செல்போன் கோபுரங்கள்

Cellphone tower

இறந்த குருவிகளின் 

நினைவு சின்னமாய் 

ஆங்காங்கே  எங்கள் 

கிராமத்து  கழனிகளின் நடுவில் 

செல்போன் கோபுரங்கள்!

திருமணம் எப்பொழுது???

Marriage Kavithai

நாளுக்கு நாள் கூடி வரும்

உன் அழகில் 

என் எதிர்காலம் மயங்குதடி!

எதிர்கால கனவுகள் 

நிகழ்கால மூளையில்

நிரந்தரமாய் பதிய ஏங்குதடி!

நமது திருமணம் எப்பொழுது??

மகளிர் தின வாழ்த்துக்கள்!

Makalir thina Kavithai

பெண்மையை

தமிழுக்கு இணையாய் ஒப்பிட்டு

தமிழ்த்தாய் பாடிய

சிறு வயது பள்ளி கூடத்திலேயே  

உணர்ந்தேன்.

பெண்மையின் அருமையை!

மகளிர் தின வாழ்த்துக்கள்!

பகு எண் பகா எண்

Paku en pakaa en

என்னை நானே 

வகுத்து கொள்ளும் 

பகா எண்ணாகிய 

என் பெயர் முயற்சி!

பலராலும் வகுக்கப்படும் 

பகு எண்ணாகிய 

என் பெயர் தோல்வி!

தமிழ்!

Tamil

தமிழில் உயிரெழுத்தாக 

மாற்றப்படவேண்டிய 

முத்தான மூன்று எழுத்துக்கள் 

தமிழ்!

இதயம் எனும் கருவறை

Ithyam Sirai 

உன் காதணிகள் கவிதை பேச

கூந்தல் அதன் அழகை மறைக்க 

உன் சிரிப்புகள் என்னை கவர்ந்திழுக்க 

என் இருவரி திருக்குறளாகிய 

உன் இதழ்கள் அதை கண்டிக்க 

இதயம் எனும் கருவறையில் 

இதமாக நுழைந்தேன்!

காதலனாய் பிரசவிக்கும் 

காலம் அது எந்நாளோ ?

மலடியின் கனவு ஹைகூ

Maladiyin kanavu

கனவில் மட்டும்

சுக பிரசவம்.

மலடியின் கனவு

கோயில் புறா

Koyil Puraa

உன் இதயமே

கோயில் என்று 

சுற்றி வரும் 

இந்த கோயில் புறாவிற்கு 

இதயத்தில் இடம் ஒன்று 

கொடுக்க கூடாதா?

எதிரொளி

Ethiroli

கலங்கிய சேறை

கன்னி அவள்

காண நேர்ந்தால் 

கலங்கிய சேரும் 

எதிரொளிக்கும்

களங்கமில்லாத 

பூலோக நிலவை!

முதிர் கன்னி

Muthir Kanni

நீ கிழித்தெறியும் நாட்காட்டி 

உனக்கு உணர்த்தியிருக்கும் 

காலம் என்றால் என்னவென்று!

யாரும் இல்லா நேரம் 

உன் வீட்டு கண்ணாடி

உனக்கு உணர்த்தியிருக்கும் 

நெற்றி பொட்டில் இருக்கும் 

குங்குமத்தின் மகிமையை!

நீ தாண்டி செல்லும் 

கல்யாண மண்டபங்கள் 

உனக்கு எட்டா கனியாக 

தெரிந்திருக்கும்!

முதிர் கன்னியே!

உனக்கு ஆறுதல் சொல்ல 

தமிழில் வார்த்தைகளும் உண்டு!

காலம் கடந்தும் 

வாடாத பூவாக !

அமைதியாய் இரு 

காலம் பதில் சொல்லும்!

என்னை காதலித்து பார்!........

Ennai Kaathali

என் மௌன ராகங்கள் கூட

உன் காதுகளில் சங்கீதமாய்!

என்னை காதலித்து பார்!

கணினி துறையின் பணி சுமை

Pani Sumai

பணி சுமைகள் கூட 

சுகங்கள் என்று 

உதட்டளவில் உச்சரிக்கும் 

கணினி வல்லுநர் நான்!

கணினியை நினைத்து 

கழனியை மறந்தேன்.

இன்று அவை தரிசு நிலங்களாய்!

கட்டிலில் படுத்து 

கனவு கூட கண்டதில்லை.

கணணியை தொட்ட நாள் முதல்!

கவிதை எழுத வேண்டும் என்று 

கற்பனைகளுக்கு நேரம் 

ஒதுக்குகிறேன்!

இந்த மாதம் 

அரசு விடுமுறை வருமா?

பணி சுமையின் காரணமாக 

என் கற்பனைகளுக்கு 

பகலில் நேரமில்லை!

சரி, இரவுதான் வருகிறதே என்று 

கற்பனை சிறகை பறக்க விட்டால் 

மின்னஞ்சல் எனும் தூதுவன்

சிறகில்லாமல் பறந்து வருகிறான்.

அயல் நாட்டிலிருந்து!

சிறகுகள் ஒடிக்கப்பட்டு 

எனது கற்பனைகளும்

கால்கள் உடைக்கப்பட்டு 

எனது பேனாவும் 

கணினி முன்பு மண்டியிட்டன!

இரவு தன் ஆடை கழற்ற

பகல் பிறக்கிறான்.

எனது வாழ்க்கை சுழற்சி 

ஆரம்பமானது.

உண்மையை சொல்லுகிறேன் 

எனது தலையில் சுமை அல்ல

இருந்தாலும் உணர்கிறேன்.

சுமைகளை சுமந்தது போல

கணணி துறையில்

சேர்ந்த நாள் முதல்!

திருமணங்கள் சொர்க்கத்தில் 

நிச்சயிக்கபடுகின்றன!

அது என்னமோ உண்மைதான்!

எனது திருமணமும் 

அங்குதான் நிச்சயிக்கப்படும் போல!

என் இரவுக்கு வெளிச்சம் தர 

நான் நிலவை தேடுகிறேன் 

எனக்கு வெளிச்சம் தர 

முன் வருகிறான் 

எனது கணணி திரை!

இரவினிலும் இவன் தொல்லை 

தாங்க முடிய வில்லை.

சிறு வயதில் 

பள்ளிக்கு செல்ல மறுத்தேன்.

என் அலுவலகமும் 

என் சிறு வயது பள்ளி கூடம்  தான்.

ஒரே ஒரு வித்தியாசம் 

அங்கு எழுத்து பலகை 

இங்கு விசை பலகை.

புயலையும் தாங்கும் பூக்கள் 

எங்கள் கணணி துறையில் ஏராளம்.

தழுவும் தென்றலில்

தலையாட்ட விரும்பும் 

பூவாக நான் இருக்க ஆசை!

நலம் விசாரித்த
அன்பு உள்ளங்கள்
இன்று தூரத்து சொந்தங்களாய்!

காலம் எனும் வேகமும் 

கணணி துறை எனும் வளர்ச்சியும் 

கண்கள் கூட இமைக்காமல் 

வேலை செய்ய கற்று கொடுக்கும்.

முகவரி எழுதாத

என் மூளை எனும் கடிதம் 

நிம்மதியை தேடி இன்னமும் 

பயணிக்கத்தான் செய்கிறது.

என்னோடு சேர்ந்து 

பல கடிதங்கள்.

அலட்சியம்

Alachiyam

"அலட்சியம்" அல்லாத வாழ்வை 

நான் வாழ வேண்டும் என்று

தமிழின் முதல் உயிர் எழுத்தாம்

"அ" வை கூட புறக்கணித்தேன்!

என் வாழ்கையின் லட்சியத்திற்காக!

மழலையும் கடவுளான பின்னனி - done

Malalai Kadavul

பத்து மாதம்
  தவமிருந்து பெற்றதால்

பெற்றவளுக்கு
குழந்தைகள் அளிக்கும் 

உலகின் உயர்ந்த வரம் - அன்னை!

மழலையும்

கடவுளான பின்னனி
 இதுதானோ!

சிட்டு குருவி | chittu kuruvi

Chittu Kuruvi

உங்களது கைபேசியின்

கைபேசியின் கைகளுக்குள் 

மாட்டி கொண்டது 

எங்களது உயிர் அலைகளே!

முற்றுப் புள்ளி......

Muttrup pulli

மதம் கொண்ட காம கொடூரர்கள்

மலராத மொட்டுக்களையும் 

பிய்த்து எறிந்தனவே!

பயிரை காக்க வேண்டிய வேலி கூட

சில நேரம் பயிரை மேய்ந்து விட்டு 

சீரழிக்கவும் செய்திடுகிறது.

சட்டம் எனும் அதிகார பேனா 

பாலியல் பலாத்காரம் எனும் 

வன்கொடுமைக்கு முற்றுப் புள்ளி 

வைக்க மறந்தது போலும்.

என் பாரத தாயே!

உன் விழியோரம் மை தேடி 

முற்றுப் புள்ளி வைத்து விடு!

ஹைக்கு கவிதை

Paper Haikoo

காகிதத்தை எழுத்தால்

அழகுபடுத்தும் கலை 

காதல் கவிதை!

கடிகாரம்

Kadikaaram

பன்னிரண்டு எண்களை வைத்து 

மூன்றே மூன்று பேர் மட்டும்

விளையாடும் விளையாட்டிற்கு 

மானுடர்கள் வைத்த பெயர் 

கடிகாரம்!

ஒன்று முதல் 

பன்னிரண்டு வரையிலான எண்கள் 

படைக்கப்பட்டது உனக்காகத்தானோ ?

கூண்டுக்குள் அடைபட்ட முட்கள் 

முத்தமிட துடித்து முத்தமிடாமல் 

விலகிச் செல்கிறது!

முட்கள் என்பதால்

உரசல்கள் கூட 

இங்கு நடை பெறவில்லை!

உங்கள் கால்கள் 

ஆணியில் அடிக்கபட்டதால்

ஆணித்தரமாக எடுத்துரைகிறாய்! 

கடந்த காலம் 

திரும்ப வராது என்று!

உன்னை மானுடர்கள்

உள்ளங்கையில் அடக்கினாலும்

நீ காட்டும் காலத்தை மட்டும் 

மானுடர்களால் அடக்க முடிவதில்லை!

மானுடர்களின் சிம்ம சொப்பனமடா நீ!

உனது நொடி முள்ளின்

ஒரு அசைவு 

எவ்வளவு வலிமை 

என்பதை உணர்ந்தேன்.

பூங்காவில்

அவளுக்காக காத்திருந்த பொழுது!

நிமிட முள்ளின் ஒரு அசைவு 

எவ்வளவு வலிமை 

என்பதை உணர்ந்தேன்.

தேர்வு அறையின் 

இறுதி நேர்த்தில்!

மணி முள்ளின் ஒரு அசைவு 

எவ்வளவு வலிமை 

என்பதை உணர்ந்தேன்.

அவளுடன் மணிக்கணக்கில்

பேசி விட்டு பிரியும் பொழுது!

காலம் எனும் பூவை 

சுற்றி வரும் வண்டுகள் 

நீங்கள்தானோ?

காலம் எனும் பூ 

உதிர்வதற்கு முன் 

பறிப்பது 

மானுடர்களாகிய 

நமது சிந்தனையில் தான் உள்ளது!

காலம் பொன் போன்றது நம்

கடமை கண் போன்றது!

ஒவ்வொரு கடிகாரத்தினுள்ளும்

எழுத பட வேண்டிய 

மானுடர்களின்

புதிய திருக்குறள்!

அதிசயம்

Athisayam

தினம் ஒரு ரோஜாவை

சூடி வரும் நீ ஒரு நாள்

அலுவலுகத்துக்கு விடுப்பு எடுத்தாய்!

உன் கூந்தலேறி உதிராமல்

வாழ்க்கை முடியும் என்ற எண்ணத்தில்

மலர்ந்த ரோஜா

மொட்டுக்களாக மாறிய

இந்த அதிசயத்தை

உலகின் எத்தனையாவது

அதிசயம் என்று சொல்வது?

இவள் பூலாக தேவதை

Pooloka Thevathai

கண்ணால் காண்பதும் பொய் 

காதால் கேட்பதும் பொய் 

தீர விசாரிப்பதே  மெய்.

இடப்பக்க மூளை பல முறை 

இதயத்திற்கு உணர்த்தியது

விண்ணுலக தேவதையாக இருக்கலாம்.

இவள் பூலாக கன்னி அல்ல என்று!

எனது கவிதையின் கருவாக

கன்னி உனது அழகுகள் 

தேவதையின் அழகை போல் 

அமைந்ததால் - கன்னியே  

எனது கவிதை கூட

உன்னை சந்தேகப்பட்டது.

இவள் பூலாக கன்னி அல்ல என்று!

எனது உயிர் நண்பனாம்

என் பேனாவின் மை 

கவிதையின் வழியாக 

உன் அழகோடு கலந்ததால்

அவனும் உன்னை சந்தேகிக்கிறான்.

இவள் பூலாக கன்னி அல்ல என்று!

இறுதியாக என் மனமும் 

ஆறுதல் அடைந்தது.

உன் கன்னத்தை கிள்ளி

உண்மையை அறிந்தது.

இவள் பூலோக கன்னி அல்ல என்று!

இவள் பூலாக தேவதை!!!

பரிசு பெற்ற பேனா

Kaathal Parisu

மையை அம்பாக தொடுத்து 

காகிதத்தோடு போர் புரிந்து 

எனது பேனா கண்ட வெற்றி - கவிதை !!!

வெற்றி கண்ட களிப்பிலும் 

அமைதியாய் 

என் சட்டைப்பையில் 

நின்று கொண்டிருந்தான்.

கன்னி அவள் பாதங்கள் பட்டு 

பாத சுவடுகள்  பூ பூத்திட 

நடந்து என்னருகே வந்தாள்.

கன்னி அவளின் 

வாழ்த்துகளை எதிர்நோக்கி 

கம்பீரமாய் காட்சி கொடுத்தான் 

என் பேனா!

கவிதையை படித்தாள்

இரு வரி இதழ்களால்

காகிதத்தை முத்தமிட்டாள்.

எழுதியவன் இவன் என்று 

பேனாவை சுட்டி காட்டவில்லை 

எனது ஆட்காட்டிவிரல்!

எல்லாம் அறிந்த கன்னி 

அருகே வந்தாள் 

அகம் குளிர்ந்தாள் 

இதயம் குளிர்ந்து 

இதயமும் கனிந்தது 

பேனாவின் வருத்தமும் மறைந்தது!

காதல் தோல்வி ஹைகூ

Kaathal Tholvi

மாது கவிதையில்

இன்று முதல் மது 

காதல் தோல்வி!

காதல் கற்பித்த பாடங்கள்

Kaathal Paadankal

நான் ரசிக்க கற்று கொண்டேன்

உன் கண்கள் பூக்கள் ஆனதால்!

இசையின் வலிமையை புரிந்து கொண்டேன் 

உன் மௌனங்கள் சங்கீதம் படிப்பதினால்!

நடனம் ஆட கற்று கொண்டேன்

உன் காதணிகள் நடனம் ஆடுவதால்!

படிக்க கற்று கொண்டேன் 

உன் இருவரி இதழ்கள் என் திருக்குறள் ஆனதால்!

உன் காதலை புரிந்து கொண்டேன்

நீ விட்டு கொடுக்கும் காதல் தருணத்தால்!